.png)
O Circo de Pinocho é o novo espectáculo de Educateatro Producións. Unha montaxe creada unicamente para representarse en carpa que combina o teatro musical cunha escolma dos números máis clásicos do circo.
Despois de que a Fada Mimadriña convertese a Pinocho nun neno de verdade, o noso protagonista cumpre o seu soño e monta o Circo de Pinocho. Geppeto será o pallaso, a Fada a trapecista e Pepiño Grilo o mestre de cerimonias, pero... faltan o resto de artistas! Geppeto construirá os bonecos que realizarán números de corda frouxa, equilibristas, malabarista, acróbatas... e a Fada Mimadriña daralles vida co seu conxuro.
Co que non contaba ninguén é que este mesmo feitizo fará que Pinocho se transforme de novo nun boneco de madeira.
Durante o fantástico espectáculo de circo, Pinocho e Pepiño Grilo terán que atopar á Fada para reverter o conxuro, pero non aparece por ningures. Raptouna a malvada Chinche Chinchón, que está reclutando artistas para o circo da competencia.
Poderán os protagonistas liberala para que Pinocho volva ser un neno de verdade?
INFORMACIÓN DE INTERESE
.png){kind=logo}
DURACIÓN
Dúas horas con descanso
incluído de 15 minutos.
Espectáculo en galego.
CARRIÑOS
Na sala non está permitida a entrada a carriños de bebé. Dispoñemos dun pequeno parking para deixalos no vestíbulo.
INSTALACIÓNS ADAPTADAS
As cadeiras de rodas poden acceder tanto ao palco central como ao lateral. Dispoñemos de baño adaptado.
IDADES RECOMENDADAS
A diversión está garantida para todos os públicos, non só dos máis pequenos!
CIRCO SEN ANIMAIS
No circo só temos artistas de dúas patas e as nosas mascotas, pero eles non participan no espectáculo.
BAR CAFETERÍA
Dispoñemos de bar cafetería onde poderedes adquirir palomitas e snacks variados, así como gran variedade de refrescos.
ENTRADAS
Online e dende 1h antes da función no hall do circo.
Obrigatoria a partir de 24 meses.
CARPA CLIMATIZADA
As nosas instalacións están climatizadas para non pasar frío no inverno nin calor no verán.
DESCONTOS
Vén gozar connosco o día da persoa espectadora a prezo reducido.
PREZOS ESPECIAIS GRUPOS
Unha experiencia única e diferente para celebrar o teu evento connosco!
Aniversarios
Unha celebración do seu gran día moi orixinal onde o pasarán en grande!
Funcións escolares e ANPAS
Unha saída cultural para que o alumnado goce coa nosa función e coñeza aos artistas e o backstage. Tamén ofrecemos prezos especiais para funcións fóra do horario escolar.
Galas de empresa
Un espazo único para o teu evento de empresa, adaptándonos ás necesidades e preferencias solicitadas.
INSTALACIÓNS
QuEN soMOS?
EducaTeatro Producións é unha empresa cultural dedicada á produción, distribución e promoción de espectáculos infantís e familiares.
A música, a lingua e a diversión son os piares fundamentais dos nosos traballos, cos que pretendemos fomentar a educación en valores e contribuír a unha aprendizaxe signicativa.
Nos dez anos de traxectoria, creamos os musicais Os tres porquiños, unha obra musical con bonecos a tamaño real, Carapuchiña Vermella, o musical e O mundo máxico de Pinocho, cos que percorrimos toda Galicia e outras localidades da xeografía española.
Ademais das producións teatrais, encargámonos da dirección artística e a produción do Circo de Nadal de Vigo durante tres edicións e das montaxes do Circo Tamberlick.
Máis información e novidades da compañía en www.educateatro.com
